GAZMEND FREITAG
Hinterlasse einen Kommentar

Personalitete të mërgatës Gazmend Freitag, emër që nderon Trungun 

   AMT

 

Mërgata dhe artistët, një Temë qenësie dhe lidhje rrënjash me trungun. Jo rrallë jemi mësuar të dëgjojmë se si bashkësi nuk patëm sukseset e dëshiruara, kjo „falë“ ndarjeve në taborë dhe egoizmave jo të pakta, ndërsa në aspektin individual dhamë emra të suksesshëm që na mbajnë në nivelin e arritjeve evropiane. Dhe, një nga dritaret më dritëdhënëse dhe me shikim të kthjelltë është padyshim Arti si pjesë e bukur e kulturës, pikërisht aty janë sukseset nga më të mirat. Është kënaqësi e veçantë të shohësh, dëgjosh, lexosh për arritjet e artbërsve tonë në metropolet e perëndimit, të zbukurohet dita me sukseset e tyre. Emra të shkëlqyer artistësh që kësaj here po ndalem te Arti Pamor, si Kryemjeshtërit Kodra e Gjokaj, pastaj Skulptori i Madh Myrtaj, Piktori Kryeziu, aty me ta hap pas hapi artistët e gjeneratave tjera duke filluar nga Dan Gashi, Valdete Berisha, Gazmend (Mustafa) Freitag, … të bëjnë të ndjehesh bukur në lëkurën tënde etnike. Kësaj here qëllimisht dhe me shumë kënaqësi do ndalem te artisti i artit pamor Gazmend (Mustafa) Freitag, një emër shumë i nderuar në boten e artit vienez dhe evropian.

Gazmend Freitag, mbiemër ky i vulosur në kuptimësinë artistike, një personalitet shqiptar i integruar mrekullisht në rrethin intelektual-krijues vienez-austriak dhe gjermanofolës e më gjerë, le të jetë kryefjala e ditës e këtij reportazhi të shkurtër. Një piktor, një artist i mirënjohur në artin pamor, pothuajse në të gjitha rrymat dhe stilet e vizatimit-pikturës. Nuk mëtoj të them se jam njohës i mirë i artit pamor, sidoqoftë, si krijues nuk më ikë lehtë bukuria e kombinimit të bukurisë së syrit, mendjes, ngjyrave përmes dorës mjeshtërore me brushë. Po ua dhamë vështrimin e duhur kohor vizatimeve dhe pikturave të Gazmendit, qoftë edhe si vlerësues autodidakt, nuk na shpëton pa u vërejtur mjeshtëria në përzgjedhje ngjyrash me shikim natyral, hija dhe drita në një mishërim të drejt, vendosja e objektit-subjektit në kompozicion në raport të drejt me rrethin, ke portreti një përqendrim i kthjelltë në figurën studimore, përshkrim i bukur tiparesh dhe karakteri … para syrit të piktorit. Artisti e din se çka duhet dhe ia del bukur me veçim të figurës nga rrethi.

Qëllimi im i sotëm nuk është të i bëj një kritikë profesionale artit të Gazmendit, pasi që edhe nuk jam profesionist i kësaj fushe, veçse të bëj një prezantim vlerash të një artisti tonë me emër shumë i nderuar në artin vienez e që emra të tillë do duhej të njiheshin më mirë e më drejt në përdishmërinë shqiptare. Gazmendi është pjesë e Lidhjes së Shkrimtarëve, Artistëve dhe Krijuesve Shqiptar „Aleksandër Moisiu“ në Vienë (tash degë e LKSHM), në secilin hap të tij artistik e potencon me mjeshtri artistike origjinën. Punimet e tij janë në frymën e traditës në mishërim me modernitetin e vlerave evropiane. Artisti i Artit Pamor Gazmend Freitag, tashmë një artist profesionist, po pushton hapësirat e studiove, paneleve, sallave ekspozuese, por sigurisht edhe tregun e vlerave artistike. Jo Gazmendi sall i të premteve me të cilin asocon mbiemri artistik Freitag, veçse i përditshmërisë së bukur artistike. Suksesi i Gazmendit është sukses yni në bashkësinë e vlerave artistike evropiane. Le të jetë ky vetëm një çelës i hapjes së derës informuese në opinionin tonë rreth Gazmendit, faqet e gazetave dhe mediat tjera vieneze, gjermanofolëse e më gjerë, ka kohë që e kanë subjekt shkrimi dhe vlerësimi punën e Gazmendit me ato dhjetëra ekspozita dhe aktivitete të shkëlqyera artistike! Suksesi qoftë përditshmëri e tij, e meriton me punën e tij të shkëlqyer dhe me karakterin e tij si njeri, shqiptar, vienez dhe evropian i zellshëm!

Advertisements

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s